Hartenrus se missie:

Die missie van Hartenrus is om aan senior burgers op ‘n langtermynbasis binne die raamwerk van toepaslike wette op ‘n ekonomiese wyse sonder winsoogmerk en sonder bevoordeling van enigeen ‘n veilige hawe te voorsien en hoë gehalte diens te lewer vir gelukkige samesyn en gemoedsrus ten einde hul laaste lewensjare waardig en kommervry te kan deurbring.

Waar is Hartenrus geleë?

Hartenrus is in Hartenbos in die Suid-Kaap, ongeveer 7 kilometer van Mosselbaai af.

Die wooneenhede is geleë op die oewer van die Hartenbosrivier binne loopafstand van Hartenbosstrand en met ‘n uitsig op die Outeniquaberge.

Lewensreg:

Hartenrus is ‘n lewensregskema. ‘n Inwoner verkry nie eienaarskap van ‘n wooneenheid nie, maar wel die reg om ‘n wooneenheid lewenslank te bewoon.

Huisvesting:

Daar is ‘n verskeidenheid wooneenhede by Hartenrus beskikbaar wat wissel van enkelkamers en woonstelle tot twee- en drieslaapkamerhuise.

dsc_0035.1.nef_
static-2-640-x-452
static-3-640-x-528